DILG, nagpahanumdom sa mga bag-o napilian nga LGU officials nga magsumite na sang ila Statement of Contribution and Expenditures sa Comelec

Nagpahanumdom ang Department of Interior and Local Government (DILG) ang mga bag-o napilian nga local government officials nga magsumite na sang ila Statement of Contribution and Expenditures (SOCE) dangat sa Hunyo 13.

Suno kay DILG Undersecretary kag Spokesperson Jonathan Malaya, kinahanglan sang mga ini nga isumite sa Comelec ang ila SOCEs bangud indi ang mga ini pagpahanugutan nga magpangalagad sa ila talatapan kon mapaslawan ang mga ini nga magpasa sang SOCEs.

Lakip sa SOCE ang cash kag in-kind contributions nga ginbaton sang isa ka kandidato halin sa political party kag iban pa nga sources pati na ang expenditures nga ginbayaran halin sa personal nga pondo .


Gin-athag man sang DILG nga indi lang ang mga winning candidate ang obligado nga magsumite sang SOCE kundi pati man ang mga napierde, mga na disqualified kag ang mga Political Parties.

(photo credit to the owner)

Facebook Comments