Panit-an, Capiz – Patay ang isa ka persona samtang ginabulong sa ospital ang upod sini makaligad nga nabunggoan sang van ang ginasakyan nga motorsiklo sang mga ini pasado alas sais sang gab-e sa Poblacion Ilawod banwa sang Panit-an.
Dead-on-arrival sang gindangat sa Capiz Doctors Hospital ang driver sang single nga motorsiklo nga ginkilala kay Dexter Dadivas y Dionson, 37-anyos sang Brgy Cadio Panit-an, Capiz matapos ini ang nag-angkon sang patal nga pilas sa ulo kag lawas.
Samtang padayon nga ginabulong sa Roxas Memorial Provincial Hospital ang backrider sini nga si Rely Dellomos.
Ginapahayag nga wala makontrol sang mga ini ang manibela sang ginasakyan nga motor kabangdanan nga aksidente nga nabunggo sa kasugata nga van nga ginamaneho naman ni Enrique Ladera y dela Cruz nga sa subong ang padayon nga at-large.
