Drayber og van, dakpan sa buybust operation sa PNP

39

GENERAL SANTOS CITY- Wala na maka-ipsot ang drayber og van human kining ma-corner sa mga sakop sa Station Drug Enforcement Team sa Pendatun Police Station 1 atubangan sa pharmacy sa may National Highway, Barangay Dadiangas North siyudad sa Gensan.

Giila ni Police Lieutenant Miguel Angelo Quidilla – Deputy Station Commander, ang suspek sa pangalang Bili Sandipal, hamtong ang edad, residente sa Purok Rañada, Cannery Road, Polomolok, South Cotabato.
Dugang pa, ang suspek napalitan sa poseur-buyer nga pulis og gamayng pakete sa gidudahang shabu gamit ang markadong salapi na 500 pesos.


Nakumpiska usab sa kapolisan gikan sa pag-amping sa suspek ang laing tulo ka gagmayng pakete sa gidudahang iligal nga drogang shabu.
Gilayong gitugyan ngadto sa Regional Crime Laboratory Office 12 ang kontrabando aron sa pagpailawom sa eksaminasyon.

Dinhi aron determinahon kung iligal nga droga ba ang nakuha sa mga pulis ngadto sa suspek.

Sa karon napailawom na sa medical examination ang suspek og gipaslak sa selda sa presinto.
Atubangon niini ang pagsupak sa Selling ug Possession sa iligal nga droga.
For more info’s and updates, like and share our official facebook account : www.facebook.com/ifm91.9Gensanofficial/

[image: van driver.jpg]

Facebook Comments