Aurora, Zamboanga del Sur – Balhog na karon sa balay bilangguan ang usa ka suspetsado human kini nadakpan atol sa gipahigayong buy bust operation kaniadtong Sabado sa may alas 3:30 ang takna sa hapon sa Prk Badak, Cabilinan, Aurora, Zamboanga del Sur.
Gikasa ang operasyon sa kapulisan sa Aurora pinanguluhan ni PLt. Nestor Cabatingan nga miresulta sa malampusong pagkasikop sa suspetsado nga nailang si Godofredo Luzano Cambaya, 44 anyos, driver ug residente sa Prk San Roque, Waterfall, Aurora.
Sigon ni PLt. Cabatingan, ang deputy chief of Police sa Aurora MPS gimonitor nila ang suspetsado pipila ka adlaw una gikasa ang buy bust operation .
Nakuha gikan kang Cambaya ang 3 ka pakete sa gitoohang shabu ug ang usa ka libo nga marked money.
Gikatakdang ipasaka ang kasong paglapas sa sec.5 ug sec. 11 sa RA 9165 kon ang mas nailang Comprehensive Dangerous Drugs Act of 2002 batok sa dinakpan.
