Driver sang motorsiklo patay sa disgrasya sa dalanon.

22
Patay ang drayber sang motorsiklo, matapos nga madisgrasya sa bahin sang Cannery Road atubang sang Mt. Matutum Christian School, Brgy. Cannery, Polomolok, South Cotabato, pasado alas 10:00 sang gab-I, Hulyo 2, 2022.
Imbolbado sa nasambit nga aksidente ang isa ka Mitsubishi Strada Pick-up, ginamaneho. ni Gonzalo Palma III, 39-anyos, pamilyado kag residente sang Kaunlaran Subd, Brgy Poblacion, Polomolok, South Cotabato, kag isa ka motorsiklo nga Honda RS nga ginmaneho ni Shane Anthony Esmilla, 26-anyos, single kag residente sang Prk. Sta. Cruz, Brgy. Cannery sa nasambit nga banwa.
Base sa imbestigasyon sang mga otoridad nagasubay sa opposite nga direksyon ang duha ka mga imboldado nga salakyan, apang pag- abot sa lugar , naglikaw sa pihak nga lane ang nasambit nga motorsiklo resulta sa pagkabunggo sa pick-up.
Gilayon nga gindala sa ospital ang driver sang motorsiklo, apang gindeklarar nga dead on arrival sang doktor.
Sa subong ang duha ka mga imbolbado nga salakyan lakip ang driver sang pick-up ang yara sa kustodiya sang Polomolok MPS.
Facebook Comments