Davao City- Gigukod sa mga personahe sa Philippine Drug Enforcement Agency XI ang target sa joint buy bust operation kauban ang mga ginsakpan usab sa Davao del Sur Police Provincial Office ug Digos City Police Station sa Purok Kalingkatan, Sitio Punta Biao, Barangay Cogon, Digos City, Davao del Sur.
Matud sa PDEA XI, nakaikyas ang main target nga giilang si Julamen Abtaral, alyas “Gaw”, human masayri nga anaa ang mga law enforcement units, apan malampusong napuhag sa mga awtoridad ang gituohang drug den diin anaa sa 17 gramos kun P255,000 nga mga pakete sa shabu ang nasakmit atol sa operasyon.
Arestado usab sa PDEA XI ang naabtang 5 ka mga alegasyong drug den visitors nga nag-shabu pot session nga sila Alvie Sapie, Ernie Sapie, Jimmy Sapie Abdulamid Ali ug Nevo Sahiron.
Gibutyag ni PDEA XI Regional Director AILEEN LOVITOS, kasong paglapas sa Republic Act 9165 o The Comprehensive Dangerous Drugs Act of 2002 ang giduso batok sa mga drug suspects.
RadyoMaN Aimee Guinita
Facebook Comments
