DSWD 12 nakahatag sang masobra 17,800 food packs kag P1.2 million financial assistance sa mga apektado sang bagyo nga Paeng sa rehiyon kag BARMM.

23
Kabug-usan nga 159,893 ka mga pamilya ukon 798,895 ka mga indibidwal sa Sultan Kudarat, Cotabato Province, Cotabato City, Saranggani, General Santos City kag BARRM areas ang apektado sang bagyo nga Paeng.
Sa nasambit nga numero 42,500 ka mga pamilya ang apektado sa rehiyon dose kag 117,393 sa BARMM base sa datos sang Department of Social Welfare and Development Office ukon DSWD 12.
Samtang 8,794 ka mga pamilya ukon 43, 208 ka mga indibidwal naman ang nagatinir sa mga nagkalain-lain nga evacuation centers.
Nagalab-ot naman sa 478 ka mga balay ang totally damaged, samtang 172 ang partially damaged.
Ginpahayag ni DSWD 12 Asst. Regional Director Bonifacio Selma nga sang Oktubre 29 nagpatigayon sila sang sabay-sabay nga distribusyon sang financial kag food assistance sa mga apektado nga pamilya sang pagbaha kag landslide sa rehiyon dose kag BARMM.
May-angot sini, base sa datos sang DSWD 12 sang Oktubre 30, nagalab-ot sa 17,817 food packs ang inisyal nga napanghatag kag P1,251,000.00 nga financial assistance ang nahatag sa mga manugpangisda kag 175 ka mga stranded nga estudyante sa Kabacan, Cotabato.

Facebook Comments