DSWD-XI: Dul-an 38k katao naapektuhan sa lapad nga pagbaha sa Davao Region

Davao City – Misaka pa sa 8,855 ka pamilya o 37,794 ka indibidwal ang apektado sa Intertropical Convergence Zone (ITCZ) sa Davao Region nga miresulta sa halapad nga pagbaha ilabi na sa probinsya sa Davao del Sur ug Davao Occidental.

Sa datus sa Department of Social Welfare and Development (DSWD-XI), base sa November 18, 2022, anaa sa 26 ka mga barangay ang apektado gikan sa munisipalidad sa Sulop, Kiblawan, Malalag, Davao del Sur, ug Sta. Maria ug Malita sa Davao Occidental.

Sa report, grabe ka taas nga level sa tubig ang natala diin miabot sa 5 feet sa pipila ka mga Barangay nga midanyos og 84 ka mga panimalay.

Matud sa DSWD-XI, anaa sa P4, 445, 515.24 kantidad sa assistance ang natunol sa apektadong pamilya diin ang P348,310 niini naggikan sa DSWD-XI.

Sa pagkakaron, aduna pay igong suplay sa ayuda ug standby nga 14,776 Family Food Packs (FFPs) nga naglangkob sa P9,405,243.68 food items kantidad P7,948,693.75 ug non-food items kantidad P20,233,768.80.

RadyoMaN Kirby Manzon