DTI XI: Supply sa asin supisyente apan presyo misaka

59
Davao City – Gibutyag sa Department of Trade and Industry (DTI) Davao Region nga supisyente ang suplay sa asin sa rehiyon onse hangtud karon sukwahi sa giingon sa Department of Agriculture nga nagkuwang na sa suplay sa asin ang nasud.

Sumala ni DTI XI Spokesperson Rachelle Remitio nga walay problema sa suplay sa asin sa entero Rehiyon apan dunay pagsaka sa presyo sa maong produkto.

Matud ni Remitio nga subay sa naaprobahan sa DTI Central Office, miparka og 2.50 pesos ang pag-usbaw sa presyo sa asin nga kon kaniadto ang 250 grams mapalit lang sa P9.75 niadtong buwan sa Mayo apan karong buwan sa Agosto, 11.75 pesos na.

Gipasabot ni Remitio nga ang pagsaka sa presyo sa asin resulta kini sa pagmahal pod sa raw materials ug sa petrolyo nga ginagamit sa mga makina sa paggama og asin.

Unom na katuig nga miapelar ang mga manufacturer ug planta ngadto sa DTI nga magpa-usbaw apan karon lang giaprobahan sa nasudnong buhatan.

Hangyo ni Remitio sa mga wholesaler ug retail nga tumanon ug mintinahon ang suggested retail price sa asin kay aron dili mabulalyaso pag-abot sa panahon nga magmonitor ang DTI XI sa mga groceries ug kamerkadohan sa Rehiyon XI.



RadyoMaN Joel Viray

Facebook Comments