Davao City – Nagpadala ang City Government of Davao og 11 ka food pack trucks alang sa mga grabeng naapektuhan sa linog sama sa General Santos City, Sarangani, ug Jose Abad Santos karong adlawa, Hunyo 16, 2026.
Sumala ni Harvey Lanticse, Head sa City Information Office, gibutyag niini nga adunay 4,000 ka kahon sa welfare goods ug 3,000 ka botelya sa tubig.
Dugang pa nga adunay usab 42 ka miyembro nga team gikan sa lain-laing opisina sa syudad nga maoy nanguna sa relief operations aron masiguro nga dali nga maabot ang tabang sa mga apektadong pamilya.
Kabahin kini sa padayon nga suporta sa Davao City alang sa mga komunidad nga naapektuhan sa magnitude 7.8 nga linog nga nakaapekto sa liboan ka residente sa rehiyon.
Niaging semana, mitabang usab ang syudad sa paghatod og mainom nga tubig ug sa pag-evacuate sa mga pasyente gikan sa Sarangani paingon sa Southern Philippines Medical Center sa Davao City aron matambalan.
RadyoMaN Kareen Beltran
Facebook Comments
