Duha ka iladong tigpayuhot ug droga sa syudad, sikop sa buy bust operation

(photo from PDEA Region 10)

Duha ka mga tigpayuhot sa ginadiling droga ang nasikop sa gipahigayong drug buy bust operation sa PDEA ug sa Police Station 5 ingon man sa Iligan CIB ug NBI alas singko  ang takna kagahapon sa hapon sa may GK Village, Barangay Tibanga ning syudad sa Iligan.

Maoy nasikop ang mga suspetsado nga nailang si Mc Crissent Jabelosa Lopez, 29 anyo, single ug residente sa Purok Lourdes, Barangay Tubod, ning syudad sa Iligan  ug Cristopher Cabacang Arada, 40 anyos,  single ug  residente sa Purok 2-A, Barangay Santiago,ning syudad.


Ang duha nailang  drug personality ug priority persons of interest sa mga  otoridad sa rehiyon.

Malampusong napalitan  sa poseur buyer ug usa ka sachet sa gituohang shabu ang mga suspek samtang sa gihimo nga body search, nakuha ang medium size sa gituohang shabu nga motimbang ug  lima ka gramo diin gibana-bana nga mokabat ngadto sa 34 mil pesos ang street value.

Kasong paglapas sa Republic Act 9165 ang atubangon sa mga suspek nga kasamtangang naka detained sa Police Station 5.

Facebook Comments