Davao City – Nakahiagom og samad sa liog ang usa ka lalaking biktima sa pagpanigbas gamit ang “sanggot” sa Sitio Lower, Brgy. Cadaatan, Sta. Maria Davao Occidental kagahapon April 28, 2025.
Sa report, dali nga girespondehan sa Sta Maria MPS ilawom sa direktiba ni PCAPT Jan Reywan Abadia ang taho kalabot sa insidente nga pagpanigbas, matud pa nga giila ang biktima nga si alyas Rowel, 52 anyos, laborer ug residente sa Brgy. Cadaatan, Sta Maria Davao Occidental samtang ang suspetsado giila sab nga si alyas Sarry, 59 anyos nga residente sab sa nahisgutang lugar.
Sa inisyal nga imbestigasyon migula nga nag-inom ang duha diin misangpot sa panagbikil rason nga nahitabo ang pagpanigbas.
Sa karon, anaa na sa balay tambalanan ang biktima alang sa padayong pagpaalim.
Samtang, ang suspetsado anaa na sa kustodiya sa Sta. Maria MPS ug mag-atubang sa kasong frustrated murder.
RadyoMaN Kareen Beltran
Facebook Comments
