Duha ka lalaki arestado gumikan sa iligal nga droga

41
Pagadian City – Kasong paglapas sa Republic Act No. 9165 o mas naila sa Comprehensive Dangerous Drugs Act Of 2002 ang atubangon sa duha ka akusado nga nadakpan gumikan sa iligal nga droga.
Nasayran nga giharang sa checkpoint ang duha ka lalaki sa may National Highway, Tiguma COMPAC, Barangay Tiguma, Pagadian City.
Naila ang duha ka suspect nga sila Federico Salleh Geguira, aka “Rico” 27 anyos, minyo ug residente Purok Mauswagon, Barangay Bulanit, Labangan, Zamboanga del Sur ug usa ka Leonel Pelle Vadil, aka “Leonel” 38 anyos, minyo, lumolupyo sa Barangay Santo Nino, Pagadian City.
Matud sa owtoridad nga sakay ang duha ka suspect sa Honda Click 125 nga single motor, kolor itum nagdala sa palaka numero 907JWK, diin wala sa maayung pagmaneho ang driver niini rason nga gibabagan kini sa mga kapulisan.
Nakumpiska sa ilang posesyon ang usa ka dako nga pakete sa shabu nga mukabat sa 3 ka gramo og mubalor sa 20,400.00 ka pesos.
Dugang pa nga samtang nagkaduol ang duha ka suspect sa checkpoint adunay gikuot ang driver sa bulsa og gilabay sa kasagbutan nga duol sa homayan.
Dali nga gisusi sa pulisya ang dapit nga gilabayan sa butang og didto nakita ang usa ka sudlanan sa Mentos Candy nga adunay sulod sa Drogang Shabu, nga miresulta sa pag imbestigar sa duha ka suspect.
Facebook Comments