Duha ka mga ginaaligar myembro sang Dawla Islamiyah, patay sa engkwentro sa Surallah.

Scratched red oval stamp with the words - the police - illustration

Patay sa nagluntad nga shout out ang duha ka mga ginaaligar miyembro sang Dawla Islamiyah sa ginpatigayon nga joint checkpoint operation sang Surallah MPS, Polomolok MPS, PIB South Cotabato, 2nd SCPMFC kag 5SFBn PA sa Brgy Lamsugod, Surallah, South Cotabato kahapon nga adlaw, Setyembre 9, 2020.
Ginkilala ang mga suspek nga sanday Geoffrey Tuanadatu Nilong alias “Moy-Moy”/“Abu Omar”, 34 -anyos, ginakabig nga lider sang Dawlah Islamiya Socsargen Katiba kag ang iya utod nga si Al-Amen Tuanadatu Nilong, 24 -anyos, pareho residente sang Purok 2, Brgy Lapu, Polomolok, South Cotabato , samtang ang isa ka riding in tandem ang nakapalagyo.
Ini matapos nga may nabaton nga intelligence reports ang kapolisan nga may-yara sang bomba nga i-transport sang most wanted persons sang Polomolok MPS nga ginkilala kay Geoffrey Nilong halin sa SPMS box to Gensan via T’boli, South Cotabato.
Sa nasambit nga checkpoint operation apat ka mga personalidad sakay sa duha ka mga motorsiklo ang nagpamalibad nga magpondo nga nagresulta sang firefight kabangdanan sang kamatayon sang duha ka mga suspek.
Narekober sa lugar ang mga bala, 5 ka improvised blasting caps, 1 ka improvised grenade, 1 ka remote control, 6 ka motorcycle alarms, 1 ka battery connector kag light tester, 4 ka boosters, 2 ka light testers, 1 ka complete circuit kag soldering lid.
Sa imbestigasyon sang kapolisan ang suspek nga si Geoffrey Tuanadatu Nilong alias “Moy-Moy”/“Abu Omar” ang may pending warrants of arrest sa kaso nga 2 counts of Frustrated Murder kag ginakabig top 16 most wanted person sa Provincial level.
Nagapadayon naman ang hot pursuit operation sa duha ka mga suspek nga nakalapalagyo.

Facebook Comments