Tingkagol pa karon sa balay bilangguan ang usa ka Top 3 MWP didto sa lungsod sa Sergio Osmeña, ZDN human naghimo ug operasyon ang operatiba sa Sergio Osmeña MPS didto sa may Brgy. Nazareth, Sergio Osmeña, ZDN.
Nadakpan kini sa miaging adlawng Sabado 5:00AM kapin kun kulang. Ang naaresto mao si Rene Ganio Bal-as, 33 anyos residente ra usab sa nahisgutan nga barangay.
Si Rene nag atubang kini sa kasong Frustrated Murder human nalutsan ug warrant of arrest gikan sa lamaesa ni Judge Victoriano Lacaya sa Br. 9, RTC9 Dipolog City penetsahan kini ug Pebrero 23, 2018.
Ang korte adunay gitagana nga pyansa sa kantidad nga 200mil alang sa iyang temporaryong kagawasan.
Samtang sikop usab ang usa ka wanted nga halos 19 na katuig nagtago-tago human naghimo ug operasyon ang PNP katipunan, ZDN uban sa kapulisan sa dakbayan sa Iligan didto sa may Purok 4, Brgy. Tibanga, Iligan City sa miaging Sabado Dec. 15, 2018.
Mnalampuson nga naaresto si Jimboy Gomobal Bacalso, 38 anyos nagpuyo didto sa nahisgutan nga barangay sa dakbayansa Iligan.
Aduna kini tanggong nga warrant of arrest sa kasong frustrated murder penetsahan ug Marso 29, 1999 gikan sa lamesa ni Judge Fidela C. Candola sa 5th MCTC 9th Judicial Region, Katipunan, ZDN ug adunay pyansa mga mokantidad sa 200mil.
Kahibaloan nga ang maong dinakpan nga si Jimboy Bacalso kanhi kini nagpuyo sa Brgy. San Antonio, Katipunan, human kini nga nakahimo ug salaod dali kini nga miikyas padulong ngadto sa dakbayan sa iligan kun asa siya nahulog sa laang kapulisan sa Katipunan ug Iligan.
