Dul-an 100% seniors sa Davao region nakadawat na sa social pension

Davao City – Muabot na sa 98.36% ang mga Indigent Senior Citizens nga nakadawat sa ilang social pension sa entiro Davao Region.

Sa datus sa Department of Social Welfare and Development (DSWD-XI), sa 3rd quarter nga payout, anaa na sa P420,054,000 ang natunol sa 284,700 ka mga benepisyaro sa programa.

Samtang, ipahigayon usab ang payout sa 4th quarter sa Oktubre hangtud Disyembre.

Nagpalamat usab ang DSWD-XI sa tabang sa Municipal/City Social Welfare and Development Offices (M/CSWDOs), ug Local Government Units (LGUs) alang sa hapsay nga pagpahigayon sa aktibidad.

Ang maong social pension nagtumong sa pagtabang sa panginahanglan sa mga Indigent Senior Citizens nga mukantidad og P1,500 (quarterly) o P500 isip monthly stipend, nga nakalatid sa Republic Act 9994 o ang Expanded Seniors Citizens Act of 2010.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments