Davao City – Muabot sa P911,650 o halos usa ka milyon nga kantidad sa droga ang nakuha sa awtoridad sa gikasang buy-bust operation sa Luna Extension, Barangay San Miguel pasado alas 7 sa gabii, Hunyo 21, 2023.
Sa report sa Digos City Police Station, ang mga dinakpan mao sila Niel Japhet Sode, 31 anyos, Julie Ann Cubillar, 40 anyos, Lester Jay Daganato, 28 anyos ug Celso Mesa, 44 anyos, pulos taga Digos City.
Atol sa operasyon, didto nasayrang usa ka drug den ang lugar kung asa narekober ang daghanang pakete sa gituohang shabu nga muabot sa nahisgutang kantidad.
Kasong paglapas sa Republic Act 9165 kun Comprehensive Dangerous Drugs Act of 2002 ang atubangon sa mga suspek.
Padayon ang pahimangno sa kapulisan nga likayan ang iligal nga aktibidad ilabi na gyud ang iligal nga droga.
RadyoMaN Kirby Manzon
Facebook Comments
