Duolan 60 ka NPA supporters nga nitahan sa gobyerno, nakadawat og tabang pinansyal

Pagadian City – Mukabat sa 57 ka mga kanhi nga myembro ug suporters sa New People’s Army kon (NPA) sa Zamboanga del Sur ang gipanghatagan og hinabang pinansyal gikan sa Enhanced Comprehensive Local Integration Program kon (E-CLIP) ilawom sa Task Force Balik Loob sa National Task Force-Ending Local Communist Armed Conflict.
Ayha gidawat ang ilang tabang pinansyal gipapanumpa una ang mga nitahan atubangan kang Governor Victor Yu , nga hingpit nilang biyaan ang walhong pamaagi sa pakigbisog ug makig-alayon sa mga patakaran ug program sa kagamhanan.
Gipresantar usab sa kapulisan ang mga armas nga nabiking sa duolan 60 ka mga kanhing rebelde.
Ang kadaghanan sa mga nitahan gikan sa lungsod sa Dumingag ning probinsya partikyular Barangay Saad ug Dilud sa maong municipalidad.
Padayong nanawagan ang otoridad ngadto sa uban pang mga buot mobalik sa sabakan sa gobyerno sa pagtahan ngadto sa ilang buhatan kay dili ang paghupot ug pakigbatok sa gobyerno maoy makasulbad sa mga sayop sa kagamhanan sumala ni Police BGEN Neil Alinsañgan, ang Regional Director, Police Regional Office 9.

Facebook Comments