Empleyado sa STL sikop sa buy-bust operation

Davao City – Kasong paglapas sa Republic Act 9165 (Comprehensive Dangerous Drugs Act of 2002) ang atubangon sa usa ka lalaki nga nasikop sa gilusad nga joint buy-bust operation sa Purok 2. Barangay Bantacan, New Bataan, Davao de Oro niadtong Biyernes (September 16, 2022).

Ang operasyon gipangunahan sa New Bataan Municipal Police Station (MPS) kauban ang Provincial Intelligence Unit (PIU)-Davao de Oro Police Provincial Office (DDPPO), Intel Operatives sa 1st Provincial Mobile Force Company (DDOPMFC), ug mga personahe gikan sa Regional Mobile Force Battalion (RMFB)-XI.

Sa report sa New Bataan MPS, naila ang dinakpan si Junrel Garnica Lallego, 32 anyos, trabahante sa Small Town Lottery (STL) ug residente sa Purok 3-B Barangay Cabinuangan, New Bataan, Davao de Oro.

Nakuha sa posisyon sa suspek ang mga pakete sa gituohang shabu nga mutimbang og 0.30 gramos nga adunay gibana-banaang kantidad nga P2, 000 ug uban pang drug paraphernalia.

Padayon ang pagpahimangno sa kapulisan sa publiko nga likayan ang iligal nga aktibidad ilabina ang iligal nga droga.

RadyoMaN Kirby Manzon