Dali nga mitawag sa kapulisan si Jessa Ibahan, 28 anyos, public school teacher nga naassign sa maong eskwelahan human nga naabtan nga nawala na ang mga computer sets sa ilang tulunghaan.
Sumala sa taho sa kapulisan, nga nakasulod sa alkuba sa classroom ang maong kawatan gamit lang ang usa ka flat screw driver ug hand saw kon gabas. Nadagit niini ang pito ka set sa desktop computer, duha ka Uninterruptible Power Supply (UPS) ug duha ka Central Processing Unit (CPU).
Dugang pang taho, nga gipanghimuslan sa kawatan ang kakulangon sa guwardiya sa maong eskwelahan maong dali niining nahimo ang pagpangawat.
Mipasaka nag kamanduan ang Provincial Director sa Bukidnon Police Provincial Office nga si PCOL. Jun Mark J. Lagare ngadto sa Malitbog Municipal Police Station alang sa makuting pag-imbestiga ug aron sa dali nga kasulbaran sa maong insidente.
