Ex-OFW nasikop sa drug buy-bust operation

27
Nadakpan sa gipahigayong drug buy-bust operation sa mga kapulisan ang usa ka kanhi Overseas Filipino Worker (OFW) pasado alas 11 sa buntag adtong Sabado didto sa Purok-3, Bayabason, Maramag, Bukidnon.

Giila ang suspetsado nga si Rhayan Labrador, 42 anyos, minyo, ug residente sa naasoy nga lugar.

Napalit sa poseur-buyer ngadto sa suspetsado ang usa rectangular heat-sealed transparent plastic sachet sa gituohang drogang shabu samtang nakompiska ang laing pito ka transparent plastic sachet gikan sa suspetsado nga gibana-banang mukantidad sa P6,800.00 nga drogang shabu. Narekober usab ang usa ka P500 bill ug usa ka Samsung nga cellphone.

Gibalhog na sa Maramag Municipal Police Station ang suspetsado lakip ang mga nakompiskang ebidensya nga layong iturn-over sa Bukidnon Provincial Forensic Unit alang sa eksiminasyon.

Samtang mag-atubang sa paglapas sa Section 5 ug 11 sa Article II sa RA 9165 kon Comprehensive Dangerous Drugs Act of 2002 ang dinakpang suspetsado.

Facebook Comments