Exclusion/restriction sa unvaccinated gisupak ni Mayor Sara

41
Davao City – Gisupak ni Davao City Mayor Sara Duterte-Carpio ang pagbutang og restrictions alang niadtong mga dili bakunado batok Coronavirus Disease 2019 (COVID-19).

Gipasabot ni Mayor Sara (sa interbyu sa city-owned radio) nga bisan og padayon ang kampanya niini sa vaccination batok COVID-19, apan hangtud nga walay balaod ang gobyerno nga naghimong mandatory niini, dili mapugos ang tawo nga magpabakuna.

Matud sa alkalde nga sama sa mga empleyado sa City Government of Davao, kutob lamang sa counseling o pag-edukar kanila labot sa importansya sa bakuna ang mahimo sa lokal nga gobyerno ug dili sila mamahimong mapugos alang niini.

“I am pro vaccination gyud, and boosters. Pero in this case, dili gyud ko maka-agree with the exclusion or restriction with the unvaccinated. Tungod kay they were given the freedom to choose. Kung wala to sila gitagaan sa freedom nga mopili nga dili magpabakuna, then pwede ra gyud nato na sila ikulong diha sa ilang balay. But gitagaan man nato sila og freedom, so ngano sila palisdan pud,” sulti sa mayor.

Gitugyan karon ni Duterte-Carpio ang desisyon sa mga nanag-iya og establisyemento o kaha sa head sa government offices kung sila man magpatuman og restrictions niadtong wala nagpabakuna batok COVID-19.

RadyoMaN Kirby Manzon

Facebook Comments