Ang suspek giila sa San Pedro Police Station nga si Jason Detros Lamaan, 20 anyos, residente sa Purok 13, Kasilak, Bucana, Brgy. 76-A, Davao City.
Giingong gitionan sa suspek og pusil ang 32 anyos nga babae ug nakuha niini ang mga alahas sa biktima nga mokabat sa P30,000 ug kwartang P770.00. Saktong nagpatrolya ang mga pulis ug nakasumbong ang maong biktima.
Sa eksklusibong interbyu sa DXDC RMN Davao kang Police Major Romeo Mapanao Jr., Station Commander sa San Pedro Police Station, naabtan sa mga pulis ang suspek nga nagbaktas sa San Rafael Village , Brgy. 9-A apan nidagan kini sa may kasagbutan nga bahin dala niini ang iyang .38 kalibreng revolver ug gipabuthan niini ang mga operatiba.
“Pag hitabo sa krimen, naay nakaresponde sa ato ug nag-follow up ang atong operatiba. During that follow up operation, katong certain description sa suspect nihaom sa nakita sa lugar. Pag-verify unta nidagan ang suspect pagdagan nibunot sa iyahang baril, that is the time na nagrespond ang atong police officer ug na-neutralize kini,” matud ni Mapanao.
Positibo usab nga giiila sa biktima nga kini ang nangtulisan kaniya.
Gihatud ang suspek sa Southern Philippines Medical Center (SPMC) apan nakabsan na kini sa iyang
kinabuhi.
RadyoMaN Aimee Guinita
