Face mask sa outdoor setting ‘optional’ na sa Davao City

46
Davao City – Nagpasalamat ang Davaoeños nga gi-adopt ug gipatuman sa City Government of Davao ang boluntaryo nga pagsuot og face mask sa outdoor setting human kini nga gitugotan ni President Ferdinand “Bongbong” Marcos Jr. pinaagi sa Executive Order (EO) No. 3.

“The voluntary wearing of face masks in open spaces and non-crowded outdoor areas with good ventilation is hereby allowed; provided that not fully vaccinated individuals, senior citizens, and immunocompromised individuals are highly encouraged to wear their masks and physical distancing will be observed at all times,” matud sa EO.

Sa interbyu sa DXDC RMN Davao kang Conchita Velasquez, taga Ecoland, Davao City, gisaysay niini nga daghan ang dili komportable sa pagsuot og face mask sa gawas ilabina niadtong mga bakunado na o boosted na sa Coronavirus Disease 2019 (COVID-19) vaccine.

“Para sa akoa, okay na man nga dili mag-face mask para komportable ang mga tao sa ilang paginhawa (labi na) sa open spaces o kung naa ka sa gawas. Pero sa indoors, siguro kailangan nga naka-mask gihapon,” matud sa Davaoeño.

Kagahapon, gikumpirma ni Dr. Ashley Lopez, ang head sa Davao City Health Office (CHO) nga gibutyag ni Davao City Mayor Sebastian Baste Duterte nga sundon sa lokal nga gobyerno ang EO No. 3 sa national government luyo sa EO 11 sa Local Government Unit (LGU) nga nag-mandatory sa pagsuot og face mask sa dakbayan sa Davao.

RadyoMaN Kirby Manzon



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments