First Omicron case sa Davao de Oro natala

71
Davao City – Gikumpirma sa Provincial Government of Davao de Oro nga aduna nay natalang kaso sa Coronavirus Disease 2019 (COVID-19) Omicron variant sa probinsya.

Sa anunsyo sa Local Government Unit (LGU), natala ang unang kaso sa Omicron sa Nabunturan diin usa ka 18-anyos nga lalaki nga nag-swab niadtong Enero 3, 2021 sa usa ka pribadong hospital (Bishop Joseph Regan Memorial Hospital) isip requirement niini sa pagpa-opera.

Ang pasyente walay laing travel history gawas sa Nabunturan niadtong Disyembre 2021 apan nakaadto lamang kini sa susamang hospital sa Tagum City, Davao del Norte sa pagpa-check up.

Ang pasyente partially vaccinated batok COVID-19 ug asymptomatic niadtong nagpositibo. Hinuon, nadeklara na kining nakarekober niadtong Enero 17, 2022, ug sunod nga nakarekober ang close contact sa pasyente.

Padayon ang pahimangno sa Provincial Government of Davao de Oro sa istriktong pagsunod sa minimum public health standards batok COVID-19.

RadyoMaN Kirby Manzon

Facebook Comments