Gun ban sa Bukidnon, walay nadakpan sa unang adlaw sa implementasyon

Maayo ang implementasyon sa gun ban sa probinsya sa Bukidnon para sa local ug national elections.

Sa interview sa RMN DXMB Malaybalay ngadto kang Atty. Aleli Dayo-Ramirez, ang provincial election supervisor sa COMELEC-Bukidnon, gibutyag niini nga ilang gipahigayon kagahapon sa kadlawon ang simultaneous gun ban sa tibook probinsya.

Sa ilawom sa Comelec resolution, angayang adunay “properly labeled signage” ang checkpoints aron ipasayod sa mga motorista nga adunay checkpoint. Angayan usab nga adunay pangalan chief of police sa lugar.

Angayang usab kini nakaposisyon sa hayag nga lokasyon ug dili makasagabal sa maayo nga dagan sa trapiko.

Angayan usab nga nakasuot ang police officers sa prescribed uniform samtang naghimo sa checkpoint operations.

Gibawal sa mga sibilyan nga magdala sa firearms sa gawas sa panimalay, gawas sa mga adunay valid Certificate of Authority gikan sa Committee on Ban on Firearms and Security Concerns sa Comelec.

Matud ni Atty. Ramirez nga padayon ang ilang pagpangdawat sa mga application sa exemption sa gun ban pinaagi sa online.

Samtang sa interview sa RMN ngadto kang Police Major Jiselle Longakit ,ang spokesperson sa PNP Bukidnon, gibutyag niini nga hapsay ang unang adlaw sa pagpatuman sa gun ban. Wala usay nadakpan ang kapulisan nga nakasupak niini.

Sa Comelec sa Resolution 10728 gibawal sa hindi otorisadong paggamit sa mga baril ug bodyguards samtang nagkaduol ang May 9, 2022 elections.

Gibawal sa maong resolusyon ang pagdala, pagbiyahe sa mga firearms o deadly weapons sa gawas sa panimalay o sa mga negosyo bisan sa tanang public places gikan Enero 9 hangtod Hunyo 8, 2022.

Ang gun ban adunay kinatibuk-ang 150 calendar days.

Facebook Comments