Gibalhog karon sa prisuhan ang usa ka handler og manok human nadakpan sa gilusad nga drug buy-bust operation sa mga personahe sa Lantapan Municipal Police Station pasado alas 5 sa hapon kagahapon didto sa Sitio Nakadulog, Barangay Kibangay, Lantapan, Bukidnon.
Ang suspek giila nga si Risagani Rodrigo, 35 anyos, dunay kaipon, ug residente sa Barangay Basac, sa maong munisipyo.
Narekober gikan sa posesyon sa suspek ang duha ka mga pakete sa gituohang drogang shabu nga gibana-banang mukantidad og P1,700.00 ug mutimbang og .25 gramos.
Narekober usab ang usa ka P500 bill nga buy-bust money, ug usa ka unit sa Samsung Keypad nga cellphone.
Giturn-over sa Bukidnon Provincial Forensic Unit ang mga nakompiskang drogas samtang gibalhog na sa prisuhan ang suspek nga posibleng mag-atubang sa paglapas sa RA 9165 kon ang Comprehensive Dangerous Drugs Act of 2002.
Facebook Comments
