Kini human nga dakpan ang usa ka lalaki atol sa buy-bust operation sa Barangay Central, Mati City, Davao Oriental sa pagpanguna sa Davao Oriental Provincial Office of Philippine Drug Enforcement Agency Regional Office XI uban ang Police Regional Office (PRO) XI Regional Intelligence Unit, Davao Oriental Police Provincial Office ug Mati City Police Station (PS), niadtong Martes, Disyembre 13, 2022.
Sa interbyu sa DXDC RMN Davao sa Mati City PS, ang suspek mao si Cresentino Altizo Jr. alyas Doydoy, 27 anyos, adunay live in partner ug residente sa Purok Fairview, Barangay Central, Mati City, Davao Oriental.
Nakuhaan ang suspek og 12 ka pakete sa gituohang shabu nga gibana-banaang anaa sa 55 gramos ug mokantidad og P825,000.
“Easy money ra gyud kasagaran ana nila. Naga-involve sya ana kay tungod dali ra ang pangwarta. Ana man gyud na. Easy money kay pila ra man. Mo-transport ra man siya. Drop drop lang ba (sa iligal nga droga). Dropping lang ba,” saysay sa pulis.
Ang suspek mag-atubang og kasong paglapas sa Section 5 (Sale of Dangerous Drugs) ug Section 11 (Possession of Dangerous Drugs), Article II sa Republic Act 9165 o The Comprehensive Dangerous Drugs Act of 2002.
RadyoMaN Kirby Manzon
