Sa interbyu sa DXDC RMN Davao kang PLT.Col Ronald Lao, Station Commander sa Sta. Ana Police Station, magdeploy og mga pulis partikular sa ilang area of responsibility (AOR) sa duha ka simbahan nga mao ang Sta. Ana Parish ug Our Lady of Fatima Parish Church.
Segun ni Lao, magmuntar og Police Assistant Desk sa matag simbahan ug pakusgan ang police visibility sama sa pagpatrolya aron malikayan ang riot sa mga batan-on.
Samtang hitsas na usab ang kapulisan sa San Pedro Police Station ug mga Police Auxillary sumala ni Police Major Marvin Hugos, hepe sa San Pedro Police Station, motabang usab ang mga security safety and cluster aron mamahimong hapsay ug malinawon ang misa de gallo.
“Akong gihangyo ang mga Kapitan nga magpahigayon sila og deployment sa ilang mga barangay tanod. Para kadtong mga batan-on nga makita nila, mailhan man na nila ang mga batan-on nga ma-involve sa riot, ila nalang advicean nga mobalik nalang sa ilang panimalay,” saysay ni Hugos.
RadyoMaN Don Pulayao
