Hinde le pusher, hacegun con el suspechao

MAGA PULIS DEL DIVISORIA POLICE STATION JUNTO CON CONSEHAL JERRY PEREZ YA PUEDE OTRAVEZ ARESTA CON EL UN SUSPECHAO DRUG PUSHER DEL LUNES DENOCHE, QUIEN YA ESCAPA DESDE NA DIILA COSTODIA DEL DOMINGO.
COM WILSON BASILIO GREGORIO, 32 AÑOS DE EDAD DE PUTIK YA AGUANTA EL MAGA OTORIDAD NA CASA MISMO DEL SU TATA NA PUTIK.
Y DESPUES DAYUN CONELE YA LLEVA NA ESTACION DEL DIVISORIA DONDE YA DETENE CONELE.
ACORDANDO CON GREGORIO YA ARESTA EL MAGA PULIS NA UN BUY-BUST OPERATION NA PUTIK DEL DOMINGO POR LA TARDE.
PERO ALA NOCHE ANTEDE PONE CON GREGORIO NA CELDA, YA PIDI ESTE PERMISO PARA MIYA Y YA PERMITI TAMEN CONELE ANDA MIYA EL UN PULIS DONDE ENVEZ NA ESCUSAO LE ENTRA, YA SALE LE DE UNAVEZ PA AFUERA Y CUANDO YA NOTA LE QUE NOHAY CONELE QUIEN TA VICIA, HINAY-HINAY YA CAMINA LE PA LEHOS MIENTRAS TA SIGUI LE HACE LUCUR SU CAMISA NA SU PULSO PARA HINDE CLARO MIRA CON EL POSAS.
HACEGUN CON GREGORIO, YA GUINDA NA UN CASA DEL UN CARPENTERO QUIEN CONELE YA AYUDA QUITA CON EL POSAS NA SU PULSO PORMEDIO DE USAR GRINDER.
Y DESPUES YA MAN DERECHO LE NA CASA DEL SU TATA NA PUTIK DONDE YA SUBI LE NA QUISAME Y ALYA LE YA ESCONDE HASTA EL HORA YA LLEGA MAGA PULIS Y SI PEREZ NA DIILA CASA Y YA AGUANTA CONELE.
PERO NA ENTREVISTA DEL RMN ZAMBOANGA, SI GREGORIO YA NEGA HABLANDO NOHAY LE VENDE SHABU.
HACEGUN PA CONELE UN ASSET LE DEL MENCIONAO ESTACION Y MANADA LE PROJECT YA DALE CON EL MAGA PULIS.
AQUEL DIA YA ARESTA CONELE, DIA TAMEN ERA AQUEL PARA MAN BUY-BUST EL MAGA PULIS CON UN DRUG PUSHER DONDE SI GREGORIO ERA EL INFORMANTE PERO TA ESTRAÑA LE PORQUE CONELE YA AGUANTA Y YA HACE REPORT QUE NA BUY-BUST CONELE YA ARESTA.