Hotline na barangay

Ay man launch el barangay de Calarian con el diila barangay hotline antede finalize el mes de Noviembre, este asegun con el Capitan si Elking Omaga.

Si Omaga ya habla pormedio del hotline del barangay ay puede dayun el maga vivientes llama masquin cosa hora si tiene algun emergencia o soseso ta sosede na diila cada-y-cual lugar.

Asegun con Omaga tiene ay sale designao operator para contesta maga llamada donde ay tene tambien que refiri na tal agencia de govierno depiende na asunto del quien ta llama.
El hotline ay puede tambien usa el maga vivientes masquin aquelios quien tiene lang cosa quiere pregunta concierne na barangay.


Puede tambein este usa para responde maga tal incidente donde mismo ya el barangay ay reporta na maga agencia quien deve responde como egemplo nesesita pulis na tal lugar.

Facebook Comments