HVT Level 1 arestado sa buybust operation sa Zarraga, Iloilo; 54 ka sachet sang suspected shabu nakuha sang kapulisan

Zarraga, Iloilo- Arestado si Maricel Orbe, 35 anyos, high value target level 1 kag si Roman Galve Jr., 22 anyos , lunsay residente sang Brgy. Bakhaw , Mandurriao, Iloilo City sa ginkasa nga buybust operation sa Brgy. Poblacion Ilaud, Zarraga, Iloilo ala 1:30 subong nga hapon.

Nabaklan ang mga suspek sang 2 ka sachet sang suspected shabu kag narecover pa gid ang dugang nga 52 ka sachet sang suspected shabu, 2,400.00 nga buybust money, isa ka motorsiklo, isa ka cellphone kag drug paraphernalia.

Nakahunong na ang mga suspek sa Zarraga Municipal Police Station.