IGDD: Komprehensibong mga programa kontra sexual abuse gilatag

Davao City- Gipakusgan sa lokal nga panggamhanan ang mga lakang ug programa kontra sa nagkataas nga kaso sa sexual abuse ug rape diin pinakadaghan sa mga biktima mga menor de edad karong tuiga 2022.

Sumala ni Lorna Mandin, Integrated Gender and Development Division (IGDD) head, aduna nay mga komprehensibong lakang ang dakbayan aron mabatukan ug mapugngan ang mga pagpangabuso.

Matud ni Mandin, niadtong 2019 nag-hire og dugang mga abogado para mututok gayod sa rape cases.

“Para inig report, kinahanglan diha nga adunay mu-prepare sa affidavit o mga requirements sa korte, naa dayun silay mga abogadong maistorya, abogadong makatabang sa police station,” gibutyag ni Mandin.

Gitataw ni Mandin, padayon nga mi-ayuda ang KEAN Gabriel Hotline nga masumbungan sa mga nahitabong pagpangabuso ug ma-rescue dayon ang mga biktima.

Matud ni Mandin, nagmuntar og Women and Children Protection Unit (WCPU) sa sulod sa Southern Philippines Medical Center (SPMC) para maakomodar gilayon ang mga biktima sa abuso.

Sumala sa opisyal, gitutukan nila karon kauban ang Davao City Police Office – Women and Children Protection Desk (WCPD) sa pagpakusog sa prevention and education efforts sa mga barangay ug sa Department of Education karon nga balik na ang face to face classes na ang mga estudyante.

Sa datus sa WCPD gikan Enero-Agosto 2022, nakatala og 82 ka mga menor de edad nga nag-edad 17 anyos paubos nga biktima sa rape ang dakbayan sa Davao.

RadyoMaN Aimee Guinita

Facebook Comments