Lusot na sa makapangyarihang Commission on Appointments (CA) ang ad interim appointment ni AFP Chief-of-Staff General Antonio Nafarrete.
Kasama rin sa inaprubahan ng CA ad interim appointment ang 37 general, flag officers at senior officers ng Armed Forces of the Philippines (AFP).
Ayon kay CA-National Defense Committee Chairman Joboy Aquino II, naniniwala ang komisyon sa kahandaan ng mga opisyal para sa mas mataas na ranggo.
Wala aniyang duda sa integridad at kakayahan ng 38 matataas na opisyal ng Hukbong Sandatahan dahil ito ay pinagsikapan din nilang makuha.
Kabilang sa prayoridad ng AFP sa ilalim ni Nafarrete ang pagpapatuloy ng modernisasyon sa AFP sa pamamagitan ng pag-upgrade sa capabilities ng militar sa kanilang unmanned systems, communications at joint command and control para mapalawig at mapahusay pa ang maritime domain awareness sa bansa.
Kabilang rin sa inaprubahan ng CA ang ad interim appointment ng dating kongresista na si BGen. Michael Romero ng Philippine Air Force (Reserve).
