Ilagan, nalipay sa pagpili kaniya isip DSWD Undersecretary

24

Davao City- Dako ang kalipay ni kanhi Gabriela Party-list Representative Luz Ilagan sa pagsalig nga gihatag sa iyaha ni Presidente Rodrigo Duterte sa pagpili kaniya isip Department of Social Welfare and Development (DSWD) Undersecretary.

Sa interbyu sa DXDC RMN Davao kang Ilagan, gisulti niini nga maningkamot siya nga mapadayon ang iyang nahimo kaniadto sa dihang nahimo siyang konsehal ug congresswoman dinhi sa siyudad.

“I feel grateful and humbled sa iyang pag-appoint sa akoa, nagtuo siya nga naa pakoy mabuhat ug makaserbisyo pako sa katawhan, magkugi aron ma-carry out ang mandate sa DSWD,” sulti ni Ilagan.

Dugang ni Ilagan, hinaut nga matagbo niya ang ekspektasyon sa Presidente ug aron dili kini ma-disappoint diin gipili niya ang taga Davao aron mutabang sa pagduso sa plataporma sa kasamtangang administrasyon.

Nagsaad kini nga ipadayon ang nasugdan sa na-reject sa Commission on Appointment ng si Judy Taguiwalo gani usa sa iyang mga prayoridad mao ang pagtabang sa mga nabiktima sa nagpadayong krisis sa Marawi City.

Kahinumduman nga gipirmahan ni Presidente Duterte ang iyahang appointment paper kaniadtong September 13, 2017.

Kasamang Renz Barbarona

Facebook Comments