Sa pamahayag ni TMC-Malaybalay City Head Ernie “Boy” Neri, gisulti niini nga dakong perwisyo sa mga residente ang kasaba sa mga open pipe kon bora-bora nga mga tambotso panahon sa kagabin-on.
Dugang niya nga matag gabie usab sila magpahigayon og mga checkpoints diin maoy tinggawas sa mga motor nga adunay bora-bora nga mga tambotso.
Ginaawhag usab sa buhatan ang mga nanag-iya og mga modified mufflers, bora-bora kon open pipe nga mga tambotso nga nakompiska sa mga enforcers nga adunay ipahigayon nga destruction o pagpangguba niini sa umaabot Enero 21, 2022.
Kabahin niana, ginapahibalo sa buhatan ang mga tag-iya nga boot muclaim sa maong mga modified mufflers kon bora-bora nga tambotso nga ginahatagan sila og pito ka mga adlaw sa pagclaim gamit ang mga resibo nga nagpamatood sa pagpanag-iya niini.
