Davao City – Nag-iyahay na og mention sa ilang mga higala ug kaila ang pipila ka job seekers gikan sa sulod ug gawas sa Davao City dihang gianunsyo na sa Public Employment Service Office (PESO) nga adunay ilusad nga job fair karong adlawa, April 10, 2024 sa SM City Ecoland, Davao City.
Magsugod ang aktibad alas 7 karong buntag hangtod alas 5 unyang hapon maong nanawagan ang PESO sa katawhan nga buot manarbaho nga dili pakyason ang higayon.
Ubay-ubay ka mga trabaho ang ihanyag, 29 ka mga employers sa local ang musalmot sa aktibidad ug napulo ka mga employers sa abroad.
Sumala pa sa usa ka Arlene Rentuza nga dako kaayo ning tabang sa tanang naglisod sa pagbaton og trabaho ug kini maayong oportunidad alang sad sa mga nangandoy nga makagawas sa nasud.
Ang job fair karong adlawa gipaluyuhan sa City Government of Davao, PESO, DOLE ug pipila ka partner agencies.
RadyoMaN Ivy Parido
Facebook Comments
