Kini pinasikad sa Memorandum Order No. 428 s. 2022 ni Governor Jose Ma. R. Zubiri, Jr. pinitsahan Pebrero 3, 2022.
Sa interview sa programang “Straight to the Point” sa RMN DXMB Malaybalay kaganehang buntag ngadto kang Bukidnon Provincial Tourism Officer Butch Melendez, gibutyag niini nga sa maong tigum, gipresenta dinhi ang mga events, pinaagi sa nagkalain-laing chairman sa gitugutan nga mga activities, kung aha minimal lang ang pagtapok sa mga partisipante alang sa Kaamulan 2022 nga magsugod sa Marso 23 hangtud sa Abril 23, 2022.
Matud ni Melendez nga apil sa mga aktibidad sa Kaamulan karong tuiga mao ang Laga Ta Bukidnon, Art Exhibit, Ritual, Marathon, Dart Tournament, Lone Tennis ug Piniliyapan.
Gipahayag usab sa Provincial Tourism Officer nga walay street dancing nga mahitabo karong tuiga tungod sa hulga pa gihapon sa COVID-19 samtang wala usay mga booth nga tukuron palibot sa Kaamulan (Capitol) ground.
Kamulo pa usab nga gihan-ay ang mga mahimong gabayan sa maong festival, nga estriktong maka-angkla ug magsunod sa minimum public health protocols sa DOH, pinaagi sa NIATF.
Lauman na usab ang sunod-sunod nga tigum nga himoon alayon sa pagpangandam sa umaabot nga Kaamulan 2022.
