Kalihukan sa Balangay festival nadayun na karun nga tuig

49
Human sa halos 2 ka tuig nga mingaw ang Balangay Festival tungod sa pandemic, karung tuiga hingpit na nga gibalik ang mga kalihukan.
Kagabei pormal nang gi-ablihan ang Balangay Festival 2022 sa Libertad Sports Complex ug gidugok kini sa mabagang duot sa katawhan.
Sigun sa mga nisaksi kagabei halus dili na maagian ang entrance nga bahin sa sports complex tungod sa kahinangop sa mga tawo gikan naka lingkawas sa taud taud nga lockdown.
Gipakita sa programa ang paghulagway sa kasaysayan sa Butuan pinaagi sa sayaw. Lakip na ang nahitabo nga COVID-19 rason nganong duha ka tuig wala nasaulog ang kapiyestahan. Libuan sa mga Butuanon ang mitambong sa kasaulogan.
Sa mensahe ni Mayor Ronnie Vicente Lagnada mapasalamaton siya tungod nasaulog na balik ang Balangay Festival sa mga Butuan. Nagpasalamat sab siya nga misalig ang katawhan sa mga programa ug misunod sa protocol para mabalik ang kalingawan bisan paman sa new normal.
Para mahimong opisyal ang pag sugod sa selebrasyon, nag taas og wine glass ang mga City Officials sa syudad ug ang mga Head of Offices. Anaa sab fire works display nga mas nag pa nindot sa selebrasyon.
Ang Balangay Festival molungtad hangtud Mayo 19, 2022. Gi-awhag ang tanan sa pag suporta sa tanan kalingawan sa syudad.
Facebook Comments