Ang Talikala, Inc. nga nakabase sa siyudad sa Davao, usa ka non-governmental organization nga gipadagan sa mga kababaihan para sa mga kababahian kung asa nagtanyag ug suporta, tambag, pagbansay-basan ug counselling para sa mga kababaihan nga gipugos sa sex trade.
Sa interview sa RMN ngadto kang Carina Sajonia, ang program coordinator sa Talikala, Inc, gibutyag niini nga gikinahanglan ang dinalian nga paglihok batok sa online sexual exploitation sa mga bata gumikan ang Pilipinas apil sa world’s top producers sa content nga naka-ugat sa maong klase sa pag-abuso.
Matud ni Sajonia nga ang OSAEC mao ang paggamit sa impormasyon ug mga teknolohiya pangkomunikasyon isip pamaagi para sa mga sekwal nga pang-abuso o pagpahimulos sa bata.
Aduna kini tulo ka mga klase nga naglangkob sa Online Grooming, Child Sexual Abuse/ Exploitation Material (Child Pornography) ug Livestreaming of Child Sexual Abuse.
Sa Bukidnon, pinaka-grabeng kaso sa OSAEC nga ilang natala kadtong pagkalambigit sa usa ka Peter Scully nga nadakpan dinhi sa Malaybalay.
Sa karon, gina-porma pa sa Talikala ang ilang mahimong kaabag para sa mao nga kampanya dinhi sa Malaybalay.
Pagbutyag pa niya nga ang OSAEC nga rampant sa Pilipinas gani aduna nay nadokumento niini nga kaso sa nasud nga 237.
