El capitan de San Roque honorable Joselito Macrohon amo hay replaza con el presente consejal Charlie Mariano con quien ya disqualifica el Commission on Elections En Banc na de este mas reciente desisyon amediante el resolusyon na protesta del diila mga contringcante na politica del pasao eleccion.
Asegun con el on leave chairman del partido Laban ng Demokratikong Pilipino (LDP) y aura congresista Celso Lobregat cay si sigui kita con el ley del succession, si Kap Macrohon amo el aca-nueve mas alto boto candidato del pasao eleccion 2016 na Destrito Uno.
Qualificao si Macrohon na mismo fuesto cay base na reclamento del COMELEC, asegun con Lobregat, si quien el ya fuede saca el mas alto boto amo el replaza con el con quien ya desqualifica na consejo.
Con Mariano ya desqualifica el COMELEC desfues este viola con el Batas Pambansa No.22. – *Bhong Simbajon/RMN News*
