Daw aso nga nawagtang ang usa ka piniriso sa Zamboanga del norte Correctional and Rehabilitation Center nga anaa nahimutang sa brgy. Don Jose Aguirre, lungsod sa Manukan, human kini naka ikyas.
Nasayran nga nagpahigayon ug Medical Outreach ang Zamboanga del norte Correctional and Rehabilitation alang ngadto sa mga piniriso, nahuman kini mga 1:00PM.
Didto na nabantayan sa guardia nga nawala na ang usa nila ka piniriso human sa gibuhat nga pag ihap sa mga babaye nga detainees.
Naila ang maong ni ikyas nga si Rebecca Acopio Dagaynon, 38, residente sa brgy. Obay, Lungsod sa Polanco, na priso kini tungod sa paglapas sa R.A 9165 .
Sa nahimong imbistigasyon sa kapulisan nasayran nga gipangtangtang sa suspek ang mga barbwire sa luyong bahin sa female cell building.
Ang kapulisan sa manukan padayon pa ang ilang pagpangita ni Rebecca aron sa posibleng pagkasikop niini.
