Sumala kang DCPO Director PCOL Peter Bauzon Madria, lakip sa gipahugtan nga mga lakang ang pagmonitor sa mga sementeryo, pampublikong lugar ug mga terminal, lakip na ang Davao City Overland Transport Terminal (DCOTT), aron masiguro ang kaluwasan sa publiko.
Nagpahinumdom usab si Madria sa publiko nga likayan ang pagdala og armas ug uban pang delikadong butang, pag-inom og ilimnong makahubog sa publikong lugar, ilegal nga pagsugal ug pagpanghimo og kagubot nga mahimong hulga sa kaluwasan sa uban.
Giawhag ni Madria ang publiko nga tumanon ang mga lagda ug instruksyon sa mga kapulisan, magmatngon sa ilang mga gamit ug motaho gilayon sa otoridad kon adunay kadudahang lihok aron mapadayon ang malinawon ug hapsay nga pagsaulog sa Undas 2026.
RadyoMaN Kareen Beltran
