Sa report sa Davao City Police Office (DCPO), ang mga biktima mao ang usa ka 29-anyos nga security guard nga residente sa Purok 31, Apo Highlands ug usa ka 38-anyos nga usa ka tig-deliver og tubig nga taga Purok 32.
Sa pagresponde sa mga otoridad, naabtan nalang nila nga naguba na ang bunkhouse sa biktimang sekyu tungod sa duha ka centennial mango trees kilid niini, ug dinhi na-trap ang biktima nga nakahi-agom og head injury nga miresulta sa iyang hinanaling kamatayon.
Na-trap sab ang usa pa ka biktima ug nakahiagom og head injury human nga natumabahan og punoan sa kahoy ang ilang balay atol sa kusog nga ulan ug hangin ug gituohang ipo-ipo nga miigo sa lugar.
Gisulayan pa kini og dala sa Southern Philippines Medical Center (SPMC) apan gideklara kining wala nay kinabuhi, alas-12:09, Oktubre 30, 2026 (Biyernes).
RadyoMaN Kirby Manzon
