Davao City – Gibutyag ni Harvey Lanticse, Head sa City Information Office, nga nagpabiling anaa sa Blue Alert Status ang Davao City aron masiguro nga andam ang mga emergency responders ug mga ahensya sa gobyerno human sa kusog nga linog nga nabati ingon man sa mga aftershocks sa dakbayan.
Nagpasabot kini og heightened monitoring ug mas paspas nga pagresponde kung adunay emerhensya.
Ubos sa Blue Alert, gi-monitor sa Office of the City Building Official (OCBO) ug Philippine Institute of Civil Engineers (PICE) Davao City Chapter ang kahimtang sa siyudad, lakip ang posibleng kadaot sa imprastraktura ug panginahanglan sa mga apektadong komunidad. Gidasig usab ang publiko nga magpabiling alerto ug mosunod sa mga opisyal nga pahimangno.
Bisan wala pa sa pinakataas nga alert level, ang Blue Alert nagpasabot nga andam ang Davao City sa paghatag og dayong aksyon ilabina sa mga nanginahanglan og tabang.
RadyoMaN Kareen Beltran
Facebook Comments
