Mitiyabaw ug ‘harassment’ ang grupong Karapatan Caraga subay sa pag-aresto ni kanhi ABC President Nestor Amora gumikan sa kasong Kidnapping ug Serious Illegal Detention.
Sa press release nga gipagawas sa grupong Karapatan, gihulagway nila nga usa ka matang sa harassment nga gibuhat sa PNP ug AFP batok sa mga sibilyan kinsa nagsuporta sa mga progresibong grupo.
Basi sa talaan sa grupo, mokabat na sa 458 ka mga indibidwal lakip ang 79 ka mga sibilyan ug aktibibista ang gipasakaan ug tumo-tumo nga kasong kidnapping ug serious illegal detention.
Kahibaloan nga unang nadakpan si Amora gumikan sa pagpalusot niini ug mga petroleum products didto sa Surigao del Norte apan inay nga mopyansa na unta kagahapon ang napugngan kini dihang laing warrant of arrest ang nigawas batok kaniya.
Ang warrant of arrest gipagawas sa korte sa Agusan del Sur sa kasong kidnapping ug serious illegal detention subay sa gihimung raid sa rebelding New Peoples’ Army (NPA) sa patrol base didto sa Agusan del Sur niadtong Disymebre 2018.
Si Amora ang iladong dumadapig sa grupong Makabayan dinhi sa dakbayan sa Butuan.
Nakuhaan pa usab ug hulagway si Amora nga niisa sa iyang walang kamot timaan ug pakigbisog kauban niya ang taas nga lider sa NPA nga si Ka Oris.
[image: amora 2.jpg]
