Digos City – Gipaagi karon sa Santa Cruz Municipal Police Station sa social media ang ilang pag-awhag sa katawhan nga isumbong ang mga pulis nga nalambigit sa anomalya, ilabi na sa pagpangutong.
Matud sa pamahayag sa Santa Cruz PNP nga dili angay mahadlok ang katawhan sa pagsumbong sa estasyon kon nakasinati sa pagpangikil sa mga pulis nga naghimo sa ilang trabaho diha sa kalsada.
Gipunting sa Santa Cruz PNP nga gihimo nilang panig-ingnan ang usa ka komento sa social media nga kinahanglan ireport, diin gibutyag sa usa ka social media user nga adunay nahitabo nga pagpangayo kaniadto og P500 sa usa ka pulis nga nadestino sa kagabhion, ilabi na sa Digos City.
Samtang matud sa Santa Cruz PNP nga dili motugot ang ilang buhatan kon adunay iregularidad sa lihok sa mga ginsakupan, ilabi na nga walay luna sa han-ay sa kapulisan ang pagpangikil og salapi.
RadyoMaN Bien Abanos
Facebook Comments
