Sa gipagula nga Memorandum Order sa Provincial Government of Davao de Oro, walay klase sa tanang lebel sa private ug public schools sa tibuok probinsya karong adlawa tungod sa dili maayong dagan sa panahon.
Hugot usab nga nakig-alayon ang Provincial Disaster Risk Reduction and Management Office (PDRRMO) ug Municipal DRRMO sa mga Local Government Unit (LGU).
Samtang, daghanang netizens partikular mga residente gikan sa Compostela, Davao de Oro ang nag-post sa social media sa sitwasyon sa baha kagabii diin nisulod na sa ilang mga balay ang tubig ug nanglutaw ang ilang mga gamit.
Gilayon usab nga nag-deploy og rescue vehicles ang LGUs sa mga flood-affected Barangays ug paghatag og mga numero nga daling ma-contact sa mga residente alang sa paspas nga pagresponde ug rescue operations.
RadyoMaN Kirby Manzon
