Top 1 high-value target sa probinsya sa illegal nga pagbaton og armas, nadakpan, armas ug droga nakompiska

27
Nadakpan sa gipahigayong operasyon sa mga kapulisan ang gikonsiderang Top 1 High Value Target sa probinsya sa Bukidnon sa kasong illegal nga pagbaton og armas pasado alas 3:39 sa hapon adtong Lunes didto sa Purok-2A, Barangay Poblacion, Lantapan, Bukidnon.

Giila ang suspetsadong nadakpan nga si Ronald Rivas, alyas “Botchoy”, PNP-PDEA Top 1 High-value target, 45 anyos, minyo, ug residente sa naasoy nga lugar.

Si Rivas ang gipasakaan og search and seizure warrant No. 020 sa paglapas sa RA 10591 kon Comprehensive Firearms and Ammunition Act nga gi-issue ni Hon. Rainier Eusebio D. Aquino, Presiding Judge, Municipal-City Trial Court, Lantapan-Cabanglasan, 10th Judicial Region, Lantapan, Bukidnon, pinitsahan Abril 1, 2022.

Narekober gikan sa suspek ang usa ka unit sa kalibre .45 nga pistola, usa ka steel magazine niini, pito ka catridges, ug usa ka hand grenade.

Samtang laing nakompiska pa ang duha ka dagkong square heat-sealed transparent plastic cellophane nga mikontinar og drogang shabu nga gibana-banang mitimbang og 3.4 gramos nga mikantidad og P23, 120.00. Laing tulo pa ka heat sealed transparent plastic sachet nga mikontinar og droga nga mitimbang og 0.3 gramos, ug mikantidad og P2,040.00 ang nakompiska, lakip ang usa ka transparent tube, aluminum sliding box, improvised needle, ug unom ka unused folded aluminum foil.

Gidala na sa Lantapan Municipal Police Station ang nakompiskang ebidensya lakip ang dinakpang suspetsado alang sa tokmang disposasyon.

Facebook Comments