Klase sa mga eskwelahan sa Banaybanay nag-resume na

24
Davao City – Balik na ang klase sa pito ka mga eskwelahan sa Banaybanay, Davao Oriental human gisuspinde tungod sa engkwentro sa militar ug rebeldeng New People’s Army (NPA) nga nagsugod niadto pang Dominggo (September 11, 2022).

Sa interbyu sa DXDC RMN Davao sa Banaybanay Municipal Police Station (MPS), gikabutyag nga kontrolado na ang sitwasyon apan padayon gihapon ang hugot nga seguridad nga gipatuman sa lugar ilabina sa mga eskwelahan.

“Naa gihapoy mga personnel sa Philippine Army sa area unya ang amoang tropa nag-conduct pud og mobile patrolling sa area,” matud sa police personnel.

Kagahapong adlawa (September 14, 2022), pinaagi sa Executive Order (EO) No. 3, gisuspendi ni Banaybanay Mayor Lemuel Ian Larcia ang klase sa Ireneo C. Donguila Senior Elementary School, San Roque Elementary School, Donguila-Pacres National High School, Davao Oriental State College – Banaybanay Campus, San Vicente Elementary School, Mahayag Elementary School ug Causwagan Elementary School.

Gihimo ang lakang human nga nakaapekto sa seguridad sa mga estudyante ug magtutudlo ang gihimong military operations.

RadyoMaN Kirby Manzon

Facebook Comments